O PP de Culleredo anuncia que Tristana Moraleja, deputada no Congreso, levará á cámara baixa o estado do paseo marítimo da ría do Burgo

∙ A portavoz popular, Izaskun García, e varios concelleiros do Partido Popular, acompañaron á deputada durante o percorrido e puideron verificar o mal estado de moitas das zonas do paseo.

∙ “É do todo inaceptable que por parte do goberno local considérese normal abrir o paseo nestas condicións. Esiximos o compromiso explícito do alcalde de que se nos entregará un paseo en condicións óptimas sen custo para os veciños”, reclaman os populares.

En plena polémica polo estado no que o Concello de Culleredo permitiu que se abra o paseo marítimo da ría do Burgo, a deputada no Congreso pola Coruña, Tristana Moraleja, visitou o recinto en compañía da líder popular, Izaskun García. Alí puido comprobar “in situ” as condicións nas que a empresa executora da dragaxe deixou a zona.
“Preocúpanos a ambigüidade coa que o alcalde, José Ramón Rioboo, manifestouse tras a súa reunión co delegado do Goberno. Segundo o manifestado polo alcalde en prensa, admite que hai moitas melloras que realizar tras as obras, pero non especifica cales desas melloras correrán a cargo do erario municipal e cales se lle esixirá ao Estado que asuma”, sinala García.

Nas condicións do contrato da dragaxe, especificábase que o percorrido peonil debería quedar totalmente reparado, algo que “é obvio que non sucede en absoluto. É máis, nin sequera as zonas novas han quedado nun estado satisfactorio, algo que, doutra banda, expresou o propio alcalde en declaracións recentes e, sobre todo, veciños e visitantes, dos que recibimos numerosas queixas estes días”, declaran desde o Partido Popular.
“Un alcalde que asegura que o estado do paseo era “bastante óptimo” antes das obras e que tan só quedou “un pouquiño peor” do que estaba, non ofrece ningunha garantía de que vaia a loitar para que os veciños poidan gozar dun percorrido en perfectas condicións e canto antes”, lamentan o populares.

É por todo isto que Tristana Moraleja elevará unha pregunta á cámara baixa para que desde o Goberno Central respondan sobre os prazos que se manexan para restituír o paseo marítimo e reparar os elementos danados. “A deterioración producida pola maquinaria pesada durante as obras é evidente e entendible, agora ben, queremos o compromiso por parte do Ministerio de Transición Ecolóxica e Reto demográfico de que se tomarán cantas medidas sexan necesarias para a total rehabilitación do paseo”, asevera a deputada do Partido Popular.